ஒற்றரும் புகழ் அமைந்த நீதிநூலும் ஆகிய இவ்விருவகைக் கருவிகளையும் அரசன் தன்னுடைய கண்களாகத் தெளியவேண்டும்.

அனைத்திலும் நடைபெறும் நிகழ்வுகளையும் எப்பொழுதும் ஒற்றரைக் கொண்டு விரைந்து அறிதல் அரசனுக்குரிய தொழிலாகும்.

ஒற்றரால் (நாட்டு நிகழ்ச்சிகளை) அறிந்து அவற்றின் பயனை ஆராய்ந்துணராத அரசன் வெற்றிபெற வழி வேறு இல்லை.

தம்முடைய தொழிலைச் செய்பவர், சுற்றத்தார் மற்றும் பகைவரைச் சேர்ந்த அனைத்து சம்பவங்களையும் ஆராய்வதே ஒற்றரின் தொழிலாகும்.

சந்தேகப்படாத தோற்றத்துடன், பார்ப்பவருடைய கண் பார்வைக்கும் அஞ்சாமல் மனத்தில் உள்ளதை வெளிப்படுத்தாமல் இருப்பதே ஒற்றன்.

அறிய இடங்களிலெல்லாம் சென்று ஆராய்ந்து, எவ்விதத் துன்பமும் வந்தாலும் சோர்வில்லாதவனே ஒற்றன்.

மறைவாக நடந்த செயல்களையும் கேட்டு அறிய வல்லவனும், அறிந்தவற்றில் ஐயப்படாமல் துணியும் அவனே ஒற்றன்.

ஒற்றன் கூறிய செய்தியை இன்னொரு ஒற்றர் மூலம் சரிபார்த்து ஒப்புமை கண்ட பிறகே உண்மையாக ஏற்க வேண்டும்.

ஒற்றரை மற்றொரு ஒற்றர் அறியாதாக வைத்துக் கொண்டு, மூவர் சொல்வதெல்லாம் ஒத்திருந்தால் அது உண்மை எனக் கொள்ளலாம்.

ஒற்றனின் திறனை வெளிப்படையாக சிறப்புசெய்தால், மறைவாக இருக்க வேண்டிய ரகசியம் வெளிப்படையாகிவிடும்.