மெய்ப்பொருள் அல்லாதவற்றை மெய்ப்பொருள் என தவறாக உணர்ந்து வாழ்ந்தால், சிறப்பில்லாத துன்பப் பிறவி ஏற்படும்.

மயக்கம் நீங்கி குற்றமற்ற மெய்யுணர்வு உடையவர்க்கு, உண்மையை அறிந்து இன்ப நிலை கிடைக்கும்.

ஐயத்தை நீக்கி மெய்யுணர்வு பெற்றவர்க்கு, இவ்வுலகத்தைவிட மேலுலகம் அருகிலேயே இருப்பதுபோல் தோன்றும்.

மெய்யுணர்வு இல்லாதவர்களுக்கு ஐம்புலன்களை அனுபவித்தாலும் அதனால் பயன் இல்லை.

எந்தப் பொருளாக இருந்தாலும் அதன் வெளிப்புறத்தைப் பார்த்து ஏமாறாமல், அதன் உண்மைத் தன்மையை அறிதலே அறிவு.

மெய்ப்பொருளை கற்று உணர்ந்தவர் மீண்டும் பிறக்காத வழியை அடைவார்.

உள்ளத்தை ஆராய்ந்து உண்மையை உறுதியாக உணர்ந்தவர்க்கு மீண்டும் பிறப்பு உண்டு என எண்ண வேண்டாம்.

பிறவிக்குக் காரணமான அறியாமையை நீக்கி, சிறப்பான மெய்ப்பொருளைக் காண்பதே அறிவு.

மெய்ப்பொருளை உணர்ந்து பற்றுகளை அழித்தொழுகினால், துன்பத்தைத் தரும் நோய்கள் அணுகாது.

காமம், வெகுளி, மயக்கம் ஆகிய மூன்றையும் ஒழித்தால், வாழ்க்கையின் துன்பங்கள் குறையும்.