கேட்பவர்களின் பலரும் வெறுக்கும் படியாக பயன் இல்லாத சொற்களைப் பேசுபவன், எல்லோராலும் இகழப்படுவான்.

பலர் முன்னிலையில் பயன் இல்லாத சொற்களைச் சொல்லுவது, நட்பை கெடுக்கும் செயல்களை செய்வதைவிட தீமையானது.

பயன் இல்லாத சொற்களைப் பேசுபவன், “நயனில்லாதவன்” என்று கூறப்படுவான்.

நன்மையைக் கெடுக்கும் பயனற்ற சொற்களை பலரிடமும் பேசுவது அறத்திற்கும் பொருளிற்கும் மாறானது.

நல்ல பண்புடையவர் சொன்னாலும் பயனில்லாத சொற்கள் பேசினால் அவரின் சிறப்பு குறையும்.

பயனற்ற சொற்களைப் பேசுபவனை மனிதன் என்று சொல்வதை விட, மக்களுள் “பதர்” என்று கூறலாம்.

சான்றோர் நயனில்லாத சொற்களைச் சொல்லினாலும், பயனற்ற சொற்களைச் சொல்லாமல் இருப்பதே நல்லது.

பெரும் பயன் இல்லாத சொற்களை அறிவுடையவர்கள் சொல்லமாட்டார்கள்.

மயக்கம் நீங்கி மாசற்ற தெளிவுடையவர்கள், பொருள் இல்லாத சொற்களை சற்றும் சொல்லமாட்டார்கள்.

பேசும்போது பயன் தரக்கூடிய சொற்களையே பேச வேண்டும்; பயனில்லாத சொற்களைச் சொல்லக்கூடாது.